7 Hydref 2015
Annwyl Gadeirydd
Mae'r Pwyllgor Busnes wedi penderfynu cynhyrchu adroddiad etifeddiaeth ac mae'n casglu barn ar y gwaith y mae wedi ei wneud yn ystod y pum mlynedd diwethaf gan gynnwys y strwythurau y mae wedi rhoi ar waith, y diwygiadau gweithdrefnol y mae wedi cyflwyno, a'i ffyrdd o weithio. Bydd yr adroddiad terfynol yn helpu i lywio'r pwyllgor olynol i wneud nifer o benderfyniadau allweddol ar ddechrau'r Pumed Cynulliad.
Mae'r Pwyllgor yn ymgynghori ar y cwestiynau a nodir yn Atodiad A. Byddwch yn ymwybodol fy mod eisoes wedi sefydlu Fforwm i Gadeiryddion i ystyried llawer o'r materion hyn o safbwynt pwyllgor, ac i gyflwyno adroddiad i mi erbyn diwedd y flwyddyn. Bydd adroddiad y Fforwm i Gadeiryddion yn rhan o adroddiad etifeddiaeth y Pwyllgor Busnes ei hun, ond roeddwn eisiau rhoi cyfle ychwanegol i'ch pwyllgor, drwy'r ymgynghoriad hwn, i godi unrhyw faterion penodol sy'n ymwneud â gwaith eich pwyllgor y byddech efallai am dynnu sylw'r Pwyllgor Busnes atynt.
Mae’r Pwyllgor hefyd yn ymgynghori â rhanddeiliaid allanol, a’r dyddiad cau ar gyfer sylwadau yw 13 Tachwedd 2015. Byddwn yn cyfarfod ddechrau mis Rhagfyr i ystyried y dystiolaeth a gasglwyd, felly gofynnwn ichi gyflwyno sylwadau mewn da bryd er mwyn iddynt gael eu hystyried yn y cyfarfod hwnnw.
Os hoffech gyflwyno tystiolaeth, anfonwch gopi electronig at SeneddPwyllgorBusnes@Cynulliad.Cymru. Fel arall, gallwch ysgrifennu at: Clerc y Pwyllgor, Y Pwyllgor Busnes, Cynulliad Cenedlaethol Cymru, Bae Caerdydd, CF99 1NA.
Datgelu gwybodaeth
Mae rhagor o fanylion am sut y byddwn yn defnyddio'ch gwybodaeth yn http://www.cynulliad.cymru/cy/help/privacy/Pages/help-inquiry-privacy.aspx Gofynnwn ichi sicrhau eich bod wedi ystyried y manylion hyn yn ofalus cyn cyflwyno gwybodaeth i’r Pwyllgor. Fel arall, mae copi caled o'r polisi hwn ar gael drwy gysylltu â'r Clerc.
Y Fonesig Rosemary Butler AC
Cadeirydd y Pwyllgor Busnes
Atodiad A
Cylch gorchwyl yr ymchwiliad:
Yn ystod y Cynulliad presennol, mae'r Llywydd a'r Pwyllgor Busnes wedi cyflwyno nifer o ddiwygiadau gweithdrefnol, gan gynnwys newid y dyddiadau cau ar gyfer cyflwyno Cwestiynau Llafar y Cynulliad, cyflwyno Dadleuon Aelodau Unigol rheolaidd, a chwestiynau arweinwyr a llefarwyr y pleidiau.
o
Pa effaith a
gafodd y diwygiadau hyn o ran galluogi Aelodau i gynrychioli eu
hetholwyr a dwyn y Llywodraeth i gyfrif?
Am y tro cyntaf, mae strwythur pwyllgorau'r Pedwerydd Cynulliad wedi cyfuno craffu ar bolisi a chraffu deddfwriaethol o fewn yr un pwyllgorau.
o Pa mor effeithiol y mae'r dull hwn wedi bod a sut mae'r pwyllgorau wedi sicrhau cydbwysedd rhwng eu gwaith craffu ar bolisi, craffu ariannol a chraffu deddfwriaethol?
o
Pa newidiadau y
gellid eu gwneud i faint a strwythur pwyllgorau yn y dyfodol i'w
gwneud yn fwy effeithiol?
Y Pwyllgor Busnes sy'n gyfrifol am bennu amserlen y Cynulliad, gan gynnwys amserlennu cyfarfodydd y pwyllgorau. Ar hyn o bryd, cynhelir y Cyfarfod Llawn ar brynhawn Mawrth a phrynhawn Mercher, gyda phwyllgorau yn cwrdd yn bennaf ar fore Mawrth a bore Mercher a dydd Iau.
o
A yw amserlen
bresennol y Cynulliad, gan gynnwys strwythur yr wythnos waith a
sesiynau'r pwyllgorau / Cyfarfod Llawn yn sicrhau'r cydbwysedd
cywir o ran y defnydd o amser y Cynulliad, a chaniatáu iddo
gyflawni ei swyddogaethau'n effeithiol o ran deddfu, cynrychioli
pobl Cymru a dwyn y Llywodraeth i gyfrif;
Y Pwyllgor Busnes
sy'n gyfrifol am sefydlu amserlenni ar gyfer pwyllgorau i ystyried
Biliau a Chynigion Cydsyniad Deddfwriaethol, yn unol â'r
Rheolau Sefydlog.
o
A yw'r prosesau
presennol ar gyfer amserlennu deddfwriaeth - gan gynnwys Biliau a
Chynigion Cydsyniad Deddfwriaethol - yn caniatáu ar gyfer
craffu priodol ac ymgysylltu gan Aelodau a rhanddeiliaid? A ellid
eu gwneud yn fwy effeithiol?
Yn wahanol i bwyllgorau cyfatebol mewn llawer o deddfwrfeydd eraill, mae Pwyllgor Busnes y Cynulliad yn cyfuno'r swyddogaeth o amserlennu busnes y Cynulliad gyda swyddogaethau 'pwyllgor gweithdrefnau' sy'n gyfrifol am ystyried a chynnig newidiadau i Reolau Sefydlog a gweithdrefnau'r Cynulliad.
o Beth yw manteision ac anfanteision y rôl ddeuol hon, ac a oes achos dros ei hadolygu?